Heimsstjørna fjeppast uppi í Eivør og Elinborg

Í gjár legði Eivør Pálsdóttir eitt videobrot út á sín yrkisliga Instagram-vanga, sum hon so oftani ger. Videbrotið var av einari duett við lítlusystrini Elinborg, har tær báðar tulka kenda jólasangin "Walking In The Air" til klaverundirspælið frá Tróndi Bogasyni.  

Higartil hava okkurt um 5000 fólk dámt upptøkuna, sum bleiv gjørd í fjør, á Instagram, og yvir 200 fólk hava eisini viðmerkt uppslagið.

Einki óvanligt at nógv fólk dáma og viðmerkja tað, ið Eivør leggur út á sosialu miðlarnar.

"Beautiful"

Men tað, ið ger hetta videebrotið rættiliga serligt, er, at oddamaðurin í heimskenda, progressiva tungmálmsbólkinum System of a Down, Serj Tankian eitur hann, eftir øllum at døma fjeppast uppi í Pálsdóttir-systrunum. 

 

 

 

 

View this post on Instagram

 

 

 

 

 

 

 

 

 

 

 

A post shared by Elinborg (@elinborgmusic)

Serj Tankian hevur í øllum førum gjørt sær tann ómak at viðmerkja "Beautiful" undir upptøkuna við Eivør og Elinborg.

Pálsdóttir-systrarnar eru skjótar at takka Serj Tankian fyri kvøðuna við hjørtum og øðrum emojis, ið sømir seg einari so fínari kvøðu. 

Eivør, Elinborg, Serj Tankian

Føroyskt tilknýti

Serj Tankian er ikki ókendur við Føroyar.

Í sambandi við Holocaust dagin í Føroyum í 2022, har ljós varð varpað á fólkadrápið, sum Ottomanska Ríkið (Turkaland) framdi í Armenia í 1915, gjørdi  Ólavur í Geil, samskipari, eina samrøðu Serj Tankian.

Báðar ommurnar og báðir abbarnir hjá Tankian yvirlivdu fólkadrápið, og Serj lovaði armenska abbanum, at hann ongantíð fór at gloyma fólkadrápið.