Sýria: Leita nú eftir fólki, sum hava viðvirkað til píning

Uppreistrarfólk, sum hava rikið sýriska forsetan, Bashar al-Assad, frá valdinum, fara at almannakunngera ein lista við nøvnum á leiðandi embætisfólkum, sum hava viðvirkað til píning.

- Vit fara at løna teimum væl, sum geva okkum upplýsingar um leiðandi herleiðarar og trygdaryvirmenn, sum hava viðvirkað til krígsbrotsverk, skrivar leiðarin fyri uppreistrarbólkinum HTS, Ahmad al-Sharaa, sum fyrrr var kendur sum Abu Mohammed al-Jolani, á Telegram.

Í gjár fór uppreistrarleiðarin undir samráðingar við frákoyrdu stjórnina um at taka við valdinum.

- Vit skulu ikki drála við at draga brotsmenn, drápsmenn, trygdaryvirmenn og herleiðarar til svars, sum hava viðvirkað til at pína sýriska fólkið, sigur uppreistrarleiðarin.

Hann leggur aftrat, at teir fara at elta krígsbrotsmenn og biðja um at fáa teir útflýggjaðar, um teir eru flýddir til onnur lond.

- Teir, sum hava arbeitt undir harraboðum, fáa amnesty, sigur Ahmad al-Sharaa.