Samgongulimur ávarar ímóti at taka søluliðið inn í elveitingarlógina

Loyvir tú privatum at selja streym til vinnulív og borgarar, sleppur tú endanum, og tað endar sum í Danmark, har prísurin í løtuni er methøgur.

Tað heldur Henrik Old, tingmaður fyri Javnaðarflokkin og samgongulimur.

Landstýriskvinnan í orkumálum segði í útvarpinum í gjár, at søluliðið skal inn aftur í elveitingarlógina.

Henrik Old sigur, at hann veit einki um nakra avtalu við Framsókn um málið. 

Hoyr innslag í útvarpstíðindunum: 

SEV í Gundadali

SEV.

Í Danmark kunnu fyritøkur framleiða og selja beinleiðis til kundan.

Í Føroyum er ætlanin, at fyritøkur, sum framleiða inn á netið hjá SEV, keypa streymin frá SEV at selja víðari við eyka tænastu.

Endamálið er at fáa gongd á grøna orkuskiftið, segði Ingilín D. Strøm, fyrrverandi landsstýriskvina, sum upprunaliga vildi hava ásetingina í lógina.

Ásetingin var tó tikin burturúr í vár, áðrenn elveitingarlógin var samtykt.