Umleið 13 milliardir goldnar í lønum seinasta árið

12,7 milliardir krónur vóru latnar í A-skattaðum lønum frá desember í fjør til november í ár.

Hetta er seks prosent, 731 milliónir, meira enn undafarna 12 mánaða skeið.

Vøksturin hevur verið støðugur seinastu árini.  

Landbúnaður, skógrøkt og fiskiveiða er einasta vinnugreinin við minni lønum samanborið við undanfarna tíðarskeið. 

Lønir

Kvinnur eiga størra vøksturin

Lønin hjá kvinnum er vaksin tíggju prosent. Og vøksturin er størri hjá kvinnum enn hjá monnum.

Av teimum 731 milliónum, sum lønirnar vuksu, eiga kvinnurnar yvir 60 prosent.

Men miðallønin hjá kvinnum er ein triðingur minni enn hjá monnum.

Miðallønin hjá kvinnum var 28.700 krónur í november. Hon var 42.400 krónur hjá monnum.