Íløgufelagið Royndin ger ikki fleiri íløgur fyribils

Partapeningurin í íløgufelagnum Royndini er lækkaður - úr 50 milliónum krónum, niður í hálva millión:

Tær 49,5 milliónirnar eru fluttar til eigaran, sum er LÍV-3. Tað er gamla felagið í LÍV-samtakinum, sum ikki teknar nýggjar tryggingar, men bara umsitir eftirlønarinngjøld, eldri enn frá 2001, og sum hava fasta rentu við landskassaveðhaldi. 

Í vár seldi Royndin síni 35 prosent av partapeninginum í Navigare Shipping í Runavík:

Roknskaparliga virðið av hesum partabrøvum er 22 milliónir - men stjórin vil tó ikki upplýsa, hvat partabrøvini blivu seld fyri.

Eftir í íløgufelagnum Royndini eru nú - sambært roknskapinum fyri 2023 - smápartafelagið Drop Bucket, og so stóra satsið, fyritøkan Globe Tracker. Royndin eigur 27 prosent av Globe Tracker, sum enn ikki hevur megnað at tjena pengar - tvørturímóti er eginognin negativ við meira enn 37 milliónum.

Í roknskapinum hjá Royndini er sonevnda "roknskaparliga virðið" í Drop Bucket og Globe Tracker sett til EINA krónu.

Sum heild er íløgufelagið sera nógv viknað, nú stórt sæð allir pengarnir eru tiknir út. Og við einum eigara - LÍV-3, sum er undir avvikling - ger Royndin neyvan nakra nýggja íløgu fyribils, sigur Jan Jakobsen: