Elias við aftur í Kiel-sigri

Elias Ellefsen á Skipagøtu var aftur at síggja á vøllinum, tá THW Kiel vann á Gummersbach á tryggjaði sær pláss í hálvfinalunum í týsku steypakappingini.

Føroyski spælskiparin hevur sitið uttanfyri við einum skaða í økslini síðstu vikurnar, men hann fekk nakrar minuttir og fýra mál í 36-33 sigrinum hjá norðurtýska hondbóltsrisanum.

Kiel, sum hevur vunnið steypakappingina 12 ferðir, skal spæla ímóti Rhein-Neckar Löwen í hálvfinaluni í sonevnda Final Four-endaspælinum, sum verður í Køln í apríl.

Jóhan á Plógv Hansen skeyt eitt mál fyri Flensburg-Handewitt, sum tapti sína fjórðingsfinalu fyri Magdeburg, ið spælir hálvfinalu ímóti HBW Balingen-Weilstetten.