Talið av fráboðanum um kynsligan harðskap fleirfaldað

Talið av fráboðanum um kynslig brotsverk er nógv økt seinastu árini. Tað vísir hagtalsyvirlitið, sum løgreglan almannakunngerð á hvørjum ári. 

Talið er meiri enn fýrafaldað frá 2019 til 2023. Tað er farið úr 44 upp í 179. 

Sum heild eru betri møguleikar at uppdaga kynsligan harðskap í dag, sigur Michael Boolsen, fúti.

Økingin er hend nokk so líðandi tey fyrstu árini. Úr 44 upp í 113, og so er eitt lop upp til 179 í fjør, tað vil siga eftir at løgreglan er komin upp í NECMEC-skipanina.

Tað er sambært fútanum eingin ivi um, at fleiri av hesum málunum stava frá nýggju skipanini. Harafrat eru eisini fleiri, sum boða frá.