Eingin hevur meldað borgarstjóran í Sunda kommunu

Eingin hevur higartil meldað Eyðstein Zachariasen, borgarstjóra í Sunda kommunu, fyri at hava sent ónærisligar myndir.

Løgreglan fer heldur ikki av sínum eintingum upp í málið, men heitir á fólk sum heild, ið hava verið fyri blúnisbrotum - eitt nú, um tey hava fingið sendandi myndir av kynsgøgnum, sum tey ikki hava biðið um - um at melda til løgregluna. 

- Slíkt er lógarbrot, sigur Kári Jacobsen, politikomisserur og deildarleiðari á kanningardeildini hjá løgregluni.

Hoyr innslag í útvarpstíðindunum: 

Í gjár heitti varaborgarstjórin í Sunda kommunu, Jóhanna Paula við Streym, á fólk, sum uttan samtykki hava fingið ónærisligar myndir sendandi, um at melda tað til løgregluna.