Hava nú valt nevndirnar í Sørvágs kommunu

Næstsíðsta kvøldið í fjør skipaði Sørvágs bygdaráð seg á skipanarfundi, har høvuðsnevndirnar vórðu valdar fyri komandi fýra ára skeiðið.

Borgarstjóri og varaborgarstjóri vóru vald á fundinum 19. november - tey eru ávikavist Eyð Ellingsgaard og Jón Joensen, men eftir var at fáa nevndirnar avgreiddar.

Eyð Ellingsgaard

Eyð Ellingsgaard heldur fram sum borgarstjóri í Sørvágs kommunu.

Í fíggjarnevndini er borgarstjórin fastur formaður, men hinir formanssessirnir síggja soleiðis út:

Hans Kári Hansen er formaður í teknisku nevnd, Helena Heðinsdóttir Guttesen í trivnaðarnevndini, Tóki Joensen í vinnunevndini og Elias Davidsen í havnarnevndini.

Hans Kári Hansen var valdur í nevndina hjá SEV.