Torført hjá lesandi í Grønlandi at fáa íbúð

Hvørt ár noyðast nøkur lesandi á grønlendska fróðskaparsetrinum Ilisimatusarfik at gevast, tí eingin bústaður er til teirra.

Orsøkin er fyrst og fremst, at reglurnar fyri, hvør kann søkja um lestraríbúð ov harðar, skrivar KNR.

- Um lesandi síðstu tvey árini hava búð í Nuuk ella nærindis, kunnu tey ikki søkja um lestraríbúð, sigur Rosa Lynge Lorentzen, lestrarstjóri á grønlendska fróðskaparsetrinum.

- Tí møta vit ofta lesandi, sum standa í hesi støðu, og tí ikki kunnu gera útbúgvingina lidna, sigur hon.

Fara av landinum 

Ein avleiðing av tí er, at fleiri ung fara úr Grønlandi og serliga til Danmarkar at lesa í staðin.

Eini ráð frá Ilisimatusarfik eru, at so skjótt sum ung hava fingið eitt lestrarpláss, skulu tey beinanvegin søkja um lestraríbúð.

Kappingin um íbúðirnar er stór, hóast tey ungu í Nuuk og har um leiðir ikki fáa pláss, tí strongu reglurnar forða fyri tí.