Apple ger semju - skal rinda 690 milliónir í endurgjaldi

Tøknirisin Apple er gingin við til eina semju í einum fimm ára drúgvum máli um at rinda 690 milliónir krónur í endurgjaldi.

Apple var ákært fyri at lata talgilda hjálparan Siri avlurta samrøður hjá brúkarum á iPhone-fartelefonum og øðrum eindum.

Tað skrivar AP-tíðindastovan.

Samrøðurnar, sum Siri avlurtaði, vóru síðani seldar fyritøkum og brúktar til miðvísar lýsingarherferðir, vendar ímóti avlurtaðu brúkarunum.

Hóast semjuna, skrivar AP, at Apple ikki hevur viðgingið, at fyritøkan skal hava gjørt nakað skeivt.