Kærurnar hava steðgandi virknað

Kærurnar hava steðgandi virknað
Varðin Pelagic á Tvøroyri hevur fingið byggiloyvi frá kommununi, men kortini kann ikki farast undir arbeiðið enn
Farast kann ikki undir arbeiðið enn, tí kærurnar til Umhvørvismálaráðið og friðingarnevndina hava steðgandi virknað.
 
03.01.2025 - 13:45

Hóast Varðin Pelagic fyri eini viku síðani fekk byggiloyvi frá Tvøroyrar kommunu til nýggju protein- og lýsiverksmiðjuna á Tvøroyri, kann ikki farast undir arbeiðið enn. 

Tvær kærur eru ikki liðugt viðgjørdar, og tað hevur steðgandi virknað á arbeiðið - bæði eftir umhvørvisverndarlógini og kunngerð um kommunala byggimálsviðgerð.

Felagsskapurin “Livilig kor” kærdi 23. desembur niðurstøðuna hjá Umhvørvisstovuni um umhvørvisgóðkenning til Umhvørvismálaráðið, og tann 25. desembur niðurstøðuna hjá lokalu friðingarnevndini til Yvirfriðingarnevndina.

 

Jógvan Páll Lassen. 

 

Forkvinnan í “Liviligum korum”, Rósa Heinesen, undraðist tí í tíðindunum í gjár á, at byggiloyvið kortini var givið.

Jógvan Páll Lassen, advokatur, sigur, at byggilovið kann ikki brúkast meira enn tað, at kommunan gevur til kennar, hvørja støðu hon hevur til málið.

Hoyr innslag í útvarpstíðindunum: 

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

 

 

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979