Ísrael og Hamas hava skrivað undir vápnahvíld

Ísrael og Hamas hava skrivað undir undir avtalu um vápnahvíld og at lata gíslar leysar.

Tað upplýsir skrivstovan hjá ísraealska forsætisráðharranum, Benjamin Netanyahu, skrivar tíðindastovan AP.

Í gjár frættist, at trupulleikar høvdu tikið seg upp um avtaluna í evstu løtu, og Netanyahu avlýsti fundin í stjórnini, sum skuldi góðkenna hana.

Í fráboðanini í dag verður sagt, at ísraelska stjórnin verður kallað saman at góðkenna avtaluna, men tað er ikki greitt, nær fundurin verður. 

Benjamin Netanyahu sigur í fráboðanini, at Ísrael fer at røkka øllum málum í krígnum, eisini at fáa bæði livandi og deyðar gíslar heimaftur.

Fyrsta stigið í vápnahvíldini kemur í gildi sunnudagin.

Hóast tíðindi um vápnahvíld bórust mikdagin, helt Ísrael fram at leypa á mál í Gasa í gjár, og tíðindastovurnar skriva, at í minsta lagi 72 fólk lótu lív.