Netanyahu kemur við nýggjum boðum í kvøld

Benjamin Netanyahu hevur í kvøld lagt fram krav um at fáa eina lista frá Hamas við nøvnum á gíslunum, sum treyt fyri, at farast kann víðari við vápnahvíldini.

- Vit fara ikki víðari við ætlanini fyrr enn vit, sum avtalað, hava fingið ein lista við nøvnum á gíslunum, skulu latast leysir, segði Netanyahu í fráboðan frá umsitingini hjá forsætisráðharranum fyrr í dag.

Enn er ikki greitt, hvørji boð Netanyahu fer at bera ísraelska fólkinum í kvøld. 

Í fleiri ísraelskum býum, - m.a. í Tel Aviv, hava vreiðir ísraelsmenn mótmælt nýggja kravinum hjá Netanyahu. Mótmælisfólkini skuldseta forsætisráðharran fyri við beráddum huga at sabotera avtaluna, og sostatt forða fyri, at fleiri gíslar vera latnir leysir.