Eiðis kommuna kærd til Kommunala eftirlitið

Í sambandi við, at Eiðis bygdaráð hevur strikað sáttmálan við Sp/F Búð um byggingina av Húsinum millum Vatna, er kommunan kærd Kommunala eftirlitið.

Tað vísir skjal, sum Kringvarpið hevur fingið innlit í.

Í klaguni stendur eisini, at avgerðin hjá núverandi borgarstjóra at strika sáttmálan við Sp/F Búð er ólóglig, bæði tí fundurin ikki varð lógliga lýstur, og tí avgerðin ikki varð viðgjørd í teimum nevndum, sum lógin áleggur. 

Hoyr innslag her:

Meðan núverandi bygdaráð á Eiði heldur, at byggingin av Húsinum millum Vatna er ólóglig, so heldur undanfarna bygdarráð, at byggingin er lóglig.

Bæði núverandi og undanfarna bygdarráð hava brúkt Djóna Thomassen sum advokat. Hann vil løtuni ikki gera viðmerkingar til málið, men vísir til Jógvan í Skorini, borgarstjóra.