Óneyðugt at broyta niðurskrivingar og solvens í Betri

Betri banki hevur lutfalsliga nógv vinnuinnlán, sum innskjótaragrunnurin ikki svarar fyri.

Tað sigur Fíggjareftirlitið, sum var á vitjan í Betri banka í september í fjør.

Fíggjareftirlitið staðfestir, at ikki er neyðugt at broyta niðurskrivingarnartørvin og solvenstørvin hjá bankanum.

Bankin hevur fingið nøkur boð um at skipa ávís viðurskifti øðrvísi. 

Hesi boð, sum yvirhøvur eru um umsiting, hevur bankin tikið til eftirtektar. 

Okkurt er avgreitt og væntandi vera øll avgreidd innan stutta tíð, sigur Betri banki.

Kannaðu 104 lán

Hetta er serliga vantandi skrásetingar og metingar, sum í ringasta føri kunna geva bankanum tap. 

Fíggjareftirlitið kannaði 104 lán, sum umfata slaka helvt av tí, sum bankin hevur í útláni. 

Ikki var neyðugt at broyta nakra niðurskriving.

Men fimm eksponeringar vóru broyttar, tí tær vóru ikki so góðar, sum bankin segði, tær vóru.