Fyrsta vetrarfrítíðin verður í næsta mánaði

Fyri fyrstu ferð verður vetrarfrí í føroysku skúlunum í næsta mánaði.

Tað verður tríggjar dagar í viku sjey, mikudag, hósdag og fríggjadag, altso 12. 13. og 14. februar.

193 dagar vera tó framvegis í skúlaárinum, tí tveir dagar verða tiknir av summarfrítíðini í byrjanin í juni, og triði dagurin fer av teimum tveimum frídøgunum, sum skúlarnir ráða yvir.

Talan er um eina trý ára royndarskipan, sum landsstýrismaðurin í barna- og útbúgvingarmálum hevur ásett.