Naleraq vil hava landstingsval alt fyri eitt

Landstingsval skal vera í Grønlandi í seinasta lagi 6. apríl í ár.

Men Pele Broberg, formaður í Parti Naleraq, heldur, at landsstýrisformaðurin, Mute B. Egede, eigur at útskriva val beinanvegin.

Tað sigur hann við grønlendska miðilin Sermitsiaq.

Pele Broberg vísir á støðuna, sum nú er íkomin, har Grønland er vorðið miðdepil í einum stórpolitiskum kjaki. Hann sigur, at Parti Naleraq tekur undir við samgonguni í, at tað er neyðugt hjá grønlendingum at standa saman nú, men at tað ikki gagnar støðuni, at eitt val og møguligt stjórnarskifti eru á veg.

- Nú eru møguleikar at seta fáa ferð á sjálvstýrisgongdina. Men hetta verður ikki brúkt konstruktivt, tí vit eru í eini støðu, har ein fráfarandi leiðsla lítið og einki fær gjørt, tí valskeiðið er farið at halla, sigur Pele Broberg við Sermitsiaq.