Fóru til Íslands, tí annars møta kommunustýrislimirnir ikki upp

- 10.000 krónur fyri hvønn kommunustýrislim er ein lítil íløga, samanborið við ta fíggjarligu ábyrgdina, tey sita við. 

Tað sigur Tórbjørn Jacobsen, formaður í Kommunufelagnum og borgarstjóri í Runavíkar Kommunu, nú kommunustýrislimir úr øllum landinum eru á skeiði í Reykjavík.

Tilsamans eru 174 fólk í ferðalagnum. 

Tórbjørn Jacobsen, Tobbi

Tórbjørn Jacobsen.

Endamálið við skeiðnum er at styrkja kommunustýrislimirnar sum kommunupolitikarar og geva teimum førleika og vitan um tær uppgávur og avbjóðingar, sum kommunurnar hava nú og í framtíðini. 

Orsøkin at skeiðið er í Íslandi og ikki í Føroyum, er at annars møta limirnir ikki nóg væl upp, sigur Tórbjørn Jacobsen.

Hoyr innslag í útvarpstíðindunum: