Landsstýrismálanevndin: Dennis Holm breyt lógina

Landsstýrismaðurin hevði ikki lógarheimild til at broyta kunngerðina um svartkjaftakvotu, sigur nevndin

Dennis Holm, landsstýrismaður í fiskivinnumálum.

Mynd: Bjarni Árting Rubeksen

26.02.2025 - 14:31

Dennis Holm, landsstýrismaður í fiskivinnumálum, hevði ikki neyðuga lógarheimild til at broyta kunngerðina, um at skipa fiskiskapin eftir svartkjafti í 2024, soleiðis at ein partur av svartkjaftakvotuni varð gjørdur til felagskvotu við hámarki.

Tað er niðurstøðan hjá landsstýrismálanevndini, sum nú er liðug at avgreiða málið.

Les niðurstøðuna hjá landsstýrismálanevndini her.

Les upprit frá Kristinu Samuelsen, advokati, her.

Árni Skaale, løgtingsmaður, kærdi Dennis Holm til landsstýrismálanevndina í mai 2024.

Landsstýrismálanevndin gjørdi eina fyribils niðurstøðu í málinum síðst í januar, og fyribils niðurstøðan segði, at Dennis Holm ikki hevði neyðugu lógarheimildina til at broyta kunngerðina.

Dennis Holm fekk síðani fyribils niðurstøðuna til viðmerkingar.

Landsstýrismálanevndin, landsstýrismálanevnd, Hans Jacob Thomsen, Bárður á Steig Nielsen, Hanna Jensen

Frítekst tagging:

Landstýrismálanevndin

Hans Jacob Thomsen

Bárður á Steig Nielsen

Hanna Jensen

Bjarni Árting Rubeksen

Landsstýrismálanevndin.

Tann 19. februar sendi Dennis Holm landsstýrismálanevndini sínar viðmerkingar. Dennis Holm var ikki samdur í fyribils niðurstøðuni, men viðmerkingarnar hjá landsstýrismanninum vóru ikki nóg sannførandi til, at landsstýrismálanevndin sá orsøk til at broyta sína fyribils niðurstøðu.

Sostatt heldur landsstýrismálanevndin seg til fyribils niðurstøðuna, sum sigur, at Dennis Holm ikki hevði lógarheimild til at broyta kunngerðina.