Orrustan í Washington: Hatta var greiða endamálið

Í kjalarvørrinum av orrustuni í skrivstovuni hjá amerikanska forsetanum í Hvítu húsunum í gjár, so hava verið ymsar meiningar um hendan harða orðadráttin, sum tók seg upp.

Eydna Skaale, retorikkari, heldur, at tað, sum fór fram í Washington í gjár, var ikki ein samrøða, sum fór av sporinum, men at tað var ein samrøða, ið gekk akkurát soleiðis, sum Trump-forseti og Vance-varaforseti vildu tað.

Eydna Skaale heldur, at Donald Trump og J.D. Vance vóru farnir á hendan fundin við einum greiðum endamáli, og endamálið var, at tað ikki skuldi gerast ein avtala, og tað kom týðiliga til sjóndar, heldur hon.

Hon sigur, at fundurin var eitt beinleiðis álop á Zelenskyj, ið skuldi staðfesta ein veikan og krevjandi ukrainskan forseta, og at útsagnirnar eftir hendan víðagitna fundin staðfesta júst hetta.