Bókadeildin skal hava nýggjan stjóra

Bókadeild Føroya Lærarafelags skal hava nýggjan stjóra.

Skúlablaðið skrivar, at Niels Jákup Thomsen, sum hevur verið stjóri í nógv ár, fer í summar frá fyri aldur, og tí verður nú søkt eftir nýggjum stjóra.

Bókadeildin er forlag undir Føroya Lærarafelag, sum gevur út barna- og ungdómsbøkur, umframt barnabløðini STROK og Píka7 og Skúlablaðið.

Umsóknarfreistin til stjórastarvið er 26. mars, og starvið verður lýst til setanar frá 1. mai ella eftir nærri avtalu, skrivar Skúlablaðið.

Seks starvsfólk eru á bókadeildini.