Evropeiski Miðbankin lækkar aftur rentuna

Evropeiski miðbankin lækkar nú aftur rentuna 0,25 prosentstig.

Tað boðar bankin frá í einum tíðindaskrivi.

Tað er aðru ferð í ár, at bankin lækkar rentuna, og sættu ferð síðani miðskeiðis í 2024, at Evropeiski Miðbankin lækkar rentuna - hvørja ferð við 0,25 prosentstigum.

Danski tjóðbankin ger vanliga tað sama, og lækkar rentuna sama dag sum Evropeiski Miðbankin.

Føroysku peningastovnarnir eru tó ikki so skjótir at lækka rentuna. Í seinastuni hava teir heldur ikki lækkað rentuna við somu prosentstigum sum Miðbankin og danski tjóðbankin.

Seinast, Føroya Banki boðaði frá rentulækking, var 20. februar.

Smærru peningastovnarnir, Norðoya Sparikassi og Suðuroyar Sparikassi, boðaðu seinast frá, at rentan lækkaði miðskeiðis í januar. Og vit skulu aftur til desember í fjør, tá ið Betri Banki seinast boðaði frá rentulækking. 

Rentulækkingarnar í føroyskum peningastovnunum hava í seinastuni verið 0,1 og 0,15 prosentstig.