Átak: Er tað, ið vit siga við onnur, meinaleyst?

Eitt átak, sum norðurlandaráðið, norðurlendska ráðharraráðið og javnstøðuskrivstovan í Íslandi hava latið úr hondum, eitur Meinaleyst? og snýr seg um at gera vart við mikroaggressiónir.

Hyggur tú í wikipedia, so stendur at mikroaggressiónir eru stutt gerandisboð við niðrandi tónum sum verða søgd tær ella mær orsakað av bólki, sum vit eru partur av. Ofta er tað so, at tann sum sigur hesi boð, ikki ætlar tey at vera særandi ella niðrandi, men tey kunnu raka meint hóast tað.

Er tað nakað, ið vit kunnu gera nakað við, ella er hetta nakað, vit bara skulu tola?

Meinaleyst.føroyar er at finna á Instagram.