Samgonga millum Demokraatit og IA mest sannlík

Jens-Frederik Nielsen, formaður í flokkinum Demokraatit, stendur fyri samgongusamráðingunum og hann hevur havt fundir við IA, Siumut, Naleraq og Atassut. Tað sær ikki út til, at Siumut fer at vera partur av eini samgongu, men hinir flokkarnir eru tó enn í spæl. Tað sum er mest sannlíkt er ein samgonga millum Demokraatit og IA. Jens-Frederik Nielsen hevur sagt, at hann ynskir eina breiða samgongu og tí er hugsandi at Atassut eisini verður við. Hin møguleikin er ein samgonga millum Demokraatit og Naleraq, men tað er minni sannlíkt, tí flokkarnir eru longri frá hvørjum øðrum politiskt.