Báðir partar tóku av semingsuppskotinum

Skipara- og Navigatørfelagið og Reiðarafelagið fyri handilsskip hava gjørt nýggjan tvey ára sáttmála

Annfinnur Garðalíð, formaður í Skipara- og Navigatørfelagnum, og Jens Meinhard Rasmussen, formaður í Reiðarafelagnum fyri farmaskip, tá skrivað var undir nýggja sáttmálan.

Mynd: Vinnuhúsið

Jógvan Andrias Skeel Nolsøe

18.03.2025 - 12:49

Semingsstovnuirin legði í gjárkvøldið fram semingsuppskot í sáttmálatrætuni millum Skipara- og Navigatørfelagið og Reiðarafelagið fyri farmaskip, og á middegi í dag boðaðu partarnir frá, at teir tóku av semingsuppskotinum.

Nýggi sáttmálin er galdandi í tvey ár, og hann umfatar handilsskip, frálandavinnuskip, Bakkafrost og Norrønu.

Lønarhækkingin er 4,32 prosent fyrra árið og 3,87 prosent seinna árið.

Talan er um sama lønarkarm, sum semja hevur verið um á privata arbeiðsmarknaðinum í hesum samráðingartíðarskeiði, ið byrjaði 1. mai 2024

Annfinnur Garðalíð, formaður í FSN, og Jens Meinhard Rasmussen, formaður í Reiðarafelagnum fyri farmaskip, siga seg vera nøgdar við nýggja sáttmálan.

Hoyr innslag í útvarpstíðindunum:

18032025_Annfinnur_og_Jens_M