Várróðurin byrjaður: Nógvir bátar norðanfyri

Tað er altíð spennandi, tá várróðurin byrjar norðanfyri, og í ár er einki undantak. 

Nógvir bátar hava tikið av møguleikanum at fara á Norðhavið, nú tað viðrar so væl. 

Ein mynd, ið Vikmar hevur lagt út á Facebook, vísir, at tað er tætt millum bátarnar í løtuni.

Brimil er á staðnum um so er, at onkur skuldi havt tørv á hjálp. Tað kemur ofta fyri, tá bátarnir hava ligið allan veturin, at onkrir kunnu fáa motortrupulleikar. 

Dagur og vika vóru eisini norðanfyri í gjár, tá vitjað var í Klaksvík, har menn riggaðu til at fara á Norðhavið.