Ætlanin um lutaíbúðir komin eitt fet nærri

Verkætlanin við fleiri lutaíbúðum kom eitt fet nærri í gjár, tá áhugafelagið fyri Lutaíbúðum hevði aðalfund.

Felagið hevur í longri tíð arbeitt við ymiskum ætlanum, men fleiri spurningar hava staðið ósvaraðir, millum annað um tað ber til at stovna eitt lutaíbúðarfelag, sum einki eigur.

Og tað ber til, sambært advokati, sum hevði framløgu á fundinum. Tað verður lættari, um land og kommunur spæla við, og á fundinum í gjár komu positivar útmeldingar um tað frá Tórshavnar kommunu.

Hans Jacob Hermansen, formaður í felagnum, sigur, at áhugafelagið í størri mun metir sín leiklut sum ráðgevandi, um onkur ætlar at taka se seg saman í eitt lutaíbúðarfelag. Og har eru avbjóðingar, sum felagið vónar at kunna hjálpa við.

Hoyr innslag í útvarpstíðindunum: