Ein risaíløga í trivnaðin

Nýggja svimjihøllin í Runavík, sum letur upp í summar, verður ein perla, har ið til ber at svimja, kava, aka í vatnskreiðibana, fara í sauna og annars bara njóta løtuna og lívið.

Og bæði Tórbjørn Jakobsen, borgarstjóri í Runavíkar kommunu, og Sigrun Jónsveinsdóttir, forkvinna í trivnaðarnevndini í Runavíkar kommunu, vanta, at svimjihøllin fer at fáa stóran týdning fyri økið.

Nýggja svimjihøllin er samanbygd við ítróttarhøllina og fimleikarhøllina Bylgjuna, og bæði fagurfrøðiliga og arkitektoniskt tekur hetta seg sera væl út.

Eitt annað, sum riggar sera væl við hesum trimum samanbygdu hallunum, eru nógvu vindeyguni, sum hava stóran týdning, tá tú er inni í einari av høllunum, samstundis sum hesi eisini eru eitt gott og fjøltáttað íkast til uttandura býarrúmið.

Svimjihøllin er mett at kosta 165 milliónir krónur og ætlanin er at hon letur upp í juni ella juli mánað í ár. 

Vit hittu Tórbjørn Jakobsen og Sigrun Jónsveinsdóttir í nýggju svimjihøllini og tú kanst hoyra samrøðuna her!