FMA 2025: "Ratking" hjá Brimheim er ársins útgáva 

2024 var eitt sjáldama sterkt útgávuár, og kappingin um at vinna FMA-heiðurin fyri at hava gjørt ársins plátu hevur kanska ongantíð verið harðari enn júst í ár.  

Allar fimm pláturnar, ið vóru tilnevndar, høvdu í grundini heiðurin uppibornan. Men onkursvegna lá tað í kortunum, at "Ratking" hjá Brimheim hevði munin á "State of the Land" hjá Lenu, "Seinferð" hjá Leu, "Enn" hjá Eivør og "Men Guds hond er sterk" hjá Hamferð.   

Plátan hjá Helenu Heinesen Rebensdorff, ið stendur aftanfyri listanavnið Brimheim, vann á nýggjárinum eisini heiðurin sum ársins danska pláta, tá størsta danska tónleikatíðarritið, GAFFA, heiðraði best avrikini innan danska tónleikapallin. Helena er fyrsti føroyingur, ið fær hendan heiður.  

Ratking, Brimheim

Brimheim var, sum vera mann, ovurfegin um heiðurin. 

Tá hon var gestur í sendingini LEITISSTEIN greiddi hon frá, at "Ratking" sigur søguna um  

"Heitið á plátuni skuldi vera eitt orð, sum umboða innihaldið á plátuni. Tað skuldi vera ein andsøgn í orðinum. Eg leitaði í bókmentum og á netinum, og so fann eg hetta orðið 'ratking' á Wikipedia, ið er eitt fyribrigdi í náttúruni, har halarnir hjá rottum verða fløktir saman, so rottirnar hanga saman restina av lívinum. Tað helt eg vera so ólekkurt, men samstundis eisini so flott. Eitt fyribrigdi, sum er ólekkurt og kongaligt samstundis. Tað var eisini tað, ið eg ætlaði at fáa fram við plátuni, hesa dulaismuna, tað ólekkra og ússaliga móti tí vakra og stórsligna." 

G! 2023, Brimheim

>>Lurta eftir LEITISSTEIN 19.03.2024 (Brimheim)