Musk skrivar kekkar til veljarar í Wisconsin

Ríkmaðurin Elon Musk, sum eisini er í umsitingini hjá Donald Trump, hevur skrivað út kekkar fyri eina millión dollarar, sum svarar til 6,9 milliónir krónur, til tveir veljarar í statinum Wisconsin.

Elon Musk hevur eisini lovað at skriva kekkar til aðrar veljarar, sum vilja atkvøða  fyri einum konservativum valevni til starvið sum dómari í hægstarætti í Wisconsin. 

Musk og bólkar, sum hann stuðlar, hava brúkt meira enn 20 milliónir dollarar til valið.

Valið í morgin er rættiliga týðandi, tí tað ger av, hvør verður valdur í hægstarætt.