Sjúkrahúsverkið skal vera universitetssjúkrahús

Løgtingið tekur undir við uppskotinum hjá landsstýrinum, um at skipa sjúkrahúsverkið sum universitetssjúkrahús.

Trivnaðarnevndin, sum hevur viðgjørt uppskotið, er samd um at taka undir við tí.

Talan er um eina langtíðaríløgu, sum fer at lyfta fakliga støðið, tryggja føroyingum betri viðgerðartilboð og skapa eina sterkari støðu fyri samstarvi við altjóða fakumhvørvið.

Harafturat verður føroyska heilsuverkið meira kappingarført, bæði tá ræður um at draga nýútbúgvin  starvsfólk til sín og varðveita tey, sum longu eru í skipanini, stendur í álitinum hjá Trivnaðarnevndini.

Arbeiðið at skipa eitt universitetssjúkrahús í Føroyum byggir á álitið um universitetssjúkrahús frá 2023.

Í fíggjarlógini í ár er hálvtriðja millión krónur.