Ómerktur hunangur afturkallaður

Hunangur eigur ikki at vera givin børnum yngri enn eitt ár.

Og tað eigur at standa á ílatinum, sum hunangurin er í.

Heilsufrøðiliga starvsstova hevur kunngjørt ávaring um hunang av slagnum Beeliz.

Orsøkin er, at vøran ikki er merkt við kravdu merkingini um, at hunangur ikki eigur at vera givin børnum undir eitt ár.

Tey kunnu fáa heilsuligan skaða av hunangi.

Í aðrar mátar er eingin vandi við Beeliz hunanginum, sum Coop Danmark hevur afturkallað.  

Talan er um tvey sløg, Honning Cremet og Flydende honning, 250 gramm og best fyri 19. desember 2026.