Óvist, um tunnilsmálið verður avgreitt í kvøld

Enn eru fleiri mál eftir í kvøld hjá Løgtinginum at viðgera og atkvøða um, og hetta kann møguliga merkja, at lógaruppskotið um Suðuroyartunnil ikki kemur til atkvøðugreiðslu í kvøld. Líður ov langt út á kvøldið, verður onnur viðgerð av uppskotinum møguliga útsett til fríggjadagin, og triðja og endaliga atkvøðugreiðslan tá útskotin heilt til endan av mai mánaða. Meira tíðindi um hetta, sum kvøldið líður.

Hoyr Svein Tróndarsson greiða frá í eyka tíðindasendingini klokkan 21.00, hvat hendir, um málið ikki verður viðgjørt í kvøld.