Lyon Hansen: "Sangir um alt millum himmal og jørð"

Í annaðkvøld, týskvøldið, er sangarin og sangskrivarin Lyon Hansen gestur í sendingini LEITISSTEIN, sum verður send beinleiðis í útvarpinum klokkan 21. 

Við sær í skjáttuni hevur Lyon Hansen sína nýggju plátu, "Skull-Seized Kingdom", sum er onnur pláta hansara. "Lyon" kom út í 2016. 

Hvussu vilt tú lýsa nýggju plátuna hjá tær, 'Skull-Seized Kingdom'?

»Skull-sized Kingdom er ein pláta við enskum og føroyskum sangum, sum eg havi skrivað. Teir snúgva seg um alt millum himmal og jørð. Sangirnir eru síðani vandir og spældir inn live saman við studio-tónleikarunum Karl Andrias Stóra, Kristian Paula Elleffsen og Hjørtur Háberg. Eisini er Guðrið Hansdóttir gestasangari á tveimum teimum seinastu sangunum, og tað eri eg sera glaður fyri. «

Nú kallast plátan "Skull-Seized Kingdom". Hvat liggur í hesum?

»Ja, hon kallast Skull-sized Kingdom. Navnið kemur frá einari talu hjá einum rithøvundi, har hann hugleiddi um, at í minsta lagið eru vit øll keisarar í okkara egna skøltastødda kongaríkið. Eg helt hetta vera eina stuttliga mynd upp á tað innara lívið.«

Og hvussu er nýggja plátan tónlistarliga øðrvísi enn debutplátan, heldur tú?

»Eg haldi hon er kanska eitt sindur stuttligari og ljósari.«

Á debutplátuni hjá tær, "Lyon", frá 2015 vóru allir sangirnir á enskum. Á nýggju plátuni eru seks enskir sangir og fýra føroyskir. Hví tað?

»Í 2016 skrivaði eg bara á enskum. Nú skrivi eg eitt sindur á føroyskum eisini. Í mínum skøltastødda kongaríkið eru enskt og føroyskt høvuðsmálini.«

LEITISSTEIN logo

Hvat: LEITISSTEIN
Hvar: Í útvarpinum og á KVF Ljóð
Nær: Týskvøld kl. 21 (live), hósdag kl. 13, og tá tað passar tær á KVF Ljóð.