Skúladagurin verður ikki styttur

Ætlanin hjá landsstýrinum at stytta skúladagin vann ikki frama í løgtinginum.

Ikki í hesum umfarinum.

Mentanarnevndin hjá løgtinginum tekur tó undir við uppskotinum um at stytta skúladagin.

Men hon mælir til at bíða til royndarskipanirnar, sum nú eru, vera lidnar á sumri næsta ár og eftirmettar. 

Svarar til 35 ársverk

Onnur ivamál eru eisini, sigur nevndnin.

Tí er ikki rætt at stytta skúladagin nú, sigur mentanarnevndin. 

Verður skúladagurin styttur, svarar tað til 35 ársverk. 

Hesir tímar skulu ikki sparast úr skúlanum, men umleggjast til annað, sum til dømis at styrkja tvílæraraskipanina og flokslæraraleiklutin, sigur mentanarnevndin.