Estetiskur fimleikur: Finalubrak við Tjarnir

Lyra er favorittur til FM-heitið hjá kvinnum eftir innleiðandi FM-kappingina í estetiskum fimleiki, sum var við Tjarnir í gjár.

Kvinnurnar úr Ljósinum fingu 23,78 stig, meðan kappingarneytarnir Mira úr Havnar Fimleikafelag fingu 23,03 stig. 

Saman við 21 liðum í øllum aldursbólkum skulu kvinnuliðini aftur á gólvið við Tjarnir í dag í seinnu finaluni, sum byrjar klokkan 14.00. Kringvarpið vísir finaluna beinleiðis í sjónvarpinum.

20 ára hátíðarhald

Tað eru 20 ár síðan føroyskur fimleikur fór undir altjóða AGG fimleikin - betur kendur sum estetiskur fimleikur - og hetta verður hátíðarhildi við at hava føroyameistarakappingina við Tjarnir.

Afturat hesum hevur kappingarárið verið søguligt, skrivar Føroya Fimleikasamband.

Í ár eru 21 lið í fýra feløgum – Havnar Fimleikafelag, Ljósið, Klaksvíkar Fimleikafelag og Støkk, sum fyri fyrstu ferð skulu kappast í fýra kappingum. Í ár hava nevniliga tríggjar steypakappingar verið - í Havn, Runavík og fyri fyrstu ferð í Klakvík - umframt sjálvt FM, sum verður í nýggju stórhøllini.