Silvurligan: Føroyar bastu Georgia

Føroysku flogbóltsmenninir vunnu tryggan 3-1 sigur á Georgia í síðsta dystinum í Silvurliguni í ár.

Føroyar vóru favorittar, og vunnu eisini fyrsta sett 25-18, skrivar Flogbóltssamband Føroya.

Í 2. setti gekk tó ikki eftir vild, og Georgia gav føroysku monnunum ein hvøkk við at vinna sjey bóltar á rað og leggja seg framum 14-5. Føroyingarnir raknaðu við og minkaðu um munin, men ov seint; Georgia vann 25-21 og javnaði til 1-1.

Føroyar svaraðu kortini aftur í 3. setti, men munurin var ongantíð nógv størri ein trý stig. Seint í settinum javnaði Georgia til 18-18, men Føroyar vunnu settið 25-22 við smassjum frá Bjarna Joensen og Filipi Ilic.

Sigurin sá út til at vera komin í hús, tá ið Føroyar løgdu seg á odda 17-10 í 4. setti, men Georgia gjørdi ein vørr og bardi seg upp á 15-17, áðrenn Føroyar spentu í aftur og vunnu settið 25-18.

Við sigrinum fóru Føroyar fram um Ísland á stigatalvuni, sum var á sætta plássi.

Toppskorari hjá Føroyum í dag var Bjarni Joensen við 18 stigum. Yngri bróðurin Hjørtur fekk 15. Yngri Elisson Wang bróðurin, Jákup Árni, hevði fýra vinnarablokkar.

Silvurligan, menn:

Georgia – Føroyar 1-3 (18-25, 25-21, 22-25, 18-25)