Gullsmiður: Ongantíð ov seint at taka sveinaprógvið

Tað er ongantíð ov seint at fáa prógvið.

Tað er 59 ára gamli Herfinnur Seloy eitt gott dømi um.

Í 26 ár hevur Herfinnur Seloy arbeitt sum gullsmiður hjá Niels Arge.

Men hann hevur ongantíð fingið upp í lag at fáa prógvið - ikki fyrr enn nú. Í heyst kemur tað loksins í hús.

Í gjár vitjaði morgunsendingin Herfinn og hini starvsfólkini í kjallaranum í einum randarhúsum í Berjabrekku í Havn, har verkstaðið hjá Niels L. Arge heldur til.