Kanna framvegis fýrverkið í Vági

Málið um fýrverkið í Vági er ikki liðugt enn.

25. september í fjør fann politiið meira enn átta tons av fýrverki, tá húsarannsókn var gjørd í einum sethúsum í Vági.

Húsarannsóknin var gjørd, eftir at politiið fekk eina fráboðan um stórar nøgdir av fýrverki.

Arbeiðs- og Brunaeftirlitið kannar framvegis málið.

Svarið haðani er, at skjalainnlit ikki verður latið um málið.

Talan er um brævaskifti hjá einum myndugleika við serkøn at brúka í rættarmálum, ella tá støða skal takast til eitt møguligt rættarmál. 

Tá talan er um mál, har møguleiki er fyri revsiligum avleiðingum, verður innlit ikki givið, sigur Arbeiðs- og Brunaeftirlitið.