Børn svølta í hel í Gasa

Seinastu 72 tímarnar eru minst 21 børn svøltað í hel í Gasa. 

Tað sigur Mohammed Abu Salmiya, stjóri á Shifa-sjúkrahúsinum i Gasa býi, við bretska kringvarpið.

Hann sigur eisini, at umleið 900.000 børn eru í hungursneyð, og at heilsan hjá í øllum førum 70.000 av hesum børnunum er ávirkað av, at tey hava ov lítið til matna.

Støðan í Gasa fekk í gjár uttanríkisráðini í 25 londum, millum annað Danmark, at koma við eini felags áheitan, um at kríggið má halda uppat í stundini.