Færri útlendingar hava maka og børn við sær

Nógv færri útlendingar, sum koma til Føroya at arbeiða, fáa nú makan og børn við sær til Føroya.

Fyri at tryggja, at útlendingar eru førir fyri at uppihalda síni familju her, setti landsstýrið í september 2023 inntøkumørk í sambandi við arbeiðsloyvi til teirra, sum hava familjuna við sær.

Og talið á hjúnafeløgum minkaði 63 prosent frá 2023 til 2024.

Børnini gjørdust 37 prosent færri frá 2023 til 2024.

Minka eisini í ár

Tølini fara ivaleyst at halda fram at minka í 2025, sigur Løgmálaráðið.

Nú ætlar landsstýrið at áseta krøv til arbeiðsgevarar, sum seta útlendingar í starv, um revsiváttan, málkunnleika og tryggingar. 

Landsstýrið hevur tosað við Vinnuhúsið um hetta, stendur í ískoytinum til ólavsøkufrágreiðing løgmans.