Kina: Stuðul skal hækka burðartalið

Kinesiska stjórnin vil tryggja sær, at fleiri børn verða fødd og ætlar tí, at geva foreldrum umleið 3.200 krónur um árið fyri hvørt barn undir 18 ár. Tað skrivar danska kringvarpið.

- Búskaparliga menningin í Kina er í vanda vegna fallandi burðartalið. Og við tí eisini støðan hjá Kina sum stórveldi í framtíðini, sigur Christina Boutrup, sum er Kina-greinari og høvundur til fleiri bøkur um Kina við DR.

Hóast stjórnin fyri fleiri árum síðani valdi at fara frá tí vælkenda eittbarnspolitikkinum, sum gjørdi tað ólógligt at fáa meir enn eitt barn, so hevur burðartalið í Kina verði minkandi seinastu árini. 

Men tað skal nógv meir enn 3200 krónur um árið til fyri at venda gongdini, metir Christina Boutrup. 

- Tað merkist fyri ung, sum júst eru liðug við útbúgving, men tað er als ikki nokk til at rinda fyri barnagentu ella fyri barnagarðspláss hvønn mánað. Fíggjarliga byrðan er ov stór, sigur hon.