Kommunurnar 111 milliónir meira í skatti í ár

Tórshavnar kommuna hevur fingið 42,3 milliónir krónur meira í skatti fyrstu sjey mánaðirnar í ár, enn somu tíð í fjør.

Vøksturin er 6,9 prosent, vísa tøl hjá Taks.

Klaksvíkar kommuna hevur fingið 15,7 milliónir krónur meira í skatti sama tíðarskeið. Vøksturin er 10,3 prosent.

Runavíkar kommuna er nummar trý á listanum. Kommunan hevur fingið 11,5 milliónur krónur meira í skatti higartil í ár. Vøksturin er 9,4 prosent.

Nes kommuna nummar fýra

Tað hevur eisini gingið væl hjá Nes kommunu í skattainntøkum. Kommunan liggur nummar fýra. og hevur fingið 4,4 milliónir krónur meira inn í ár. Tað svarar til ein vøkstur upp á 11 prosent. 

Tilsaman hava allar 29 kommunurnar í landinum fingið 110,9 milliónur krónur meira inn í skatti fyrstu sjey mánaðirnar í ár samanborið við sama tíðarskeið í fjør.

Vøksturin er 7,7 prosent.

Les meira her.