Mettu skeivt tá fíggjarlógin var gjørd

Landskassin fekk 142 milliónir krónur færri í loyvisgjaldi frá alivinnuni og avgjaldi á fiskatilfeingi enn roknað var við í fíggjarlógini fyri 2024.

Tað sæst í frágreiðingini um frávik millum játtan og nýtslu í fíggjarlógini, sum Landsgrannskoðanin kom við í gjár.

Loyvisgjaldið gav 64 milliónir og 712.000 krónur, 18,7 prosent, minni enn mett var.

Sambært landsstýrinum er orsøkin tann, at uppgjørdi kostprísurin í 2024 var hægri enn væntað.

Tí kom minni í tøkugjaldi enn mett var í fíggjarlógini.
   
Avgjald á fiskatilfeingi, veiðigjaldið, gav 77 milliónir og 382.000 kr. minni.

Tað eru 14,6 prosent.

Høvuðsorsøkin er, sigur landsstýrið, at makrelkvotan minkaði í fjør, tí semja var gjørd við Noreg og Bretland um makrelin.

Í fíggjarlógini fyri 2025 er roynt at leggja upp fyri hesum, hevur Landsgrannskoðanin fingið at vita frá landsstýrinum.