Kommunur vilja endurstovna ferðavinnufelag í Suðuroy

Kommurnar í Suðuroynni hava spurt Tvøroyrar kommunu um áhugi er fyri at endurstovna Suðuroyar ferðavinnufelag.

Býráðið á Tvøroyri svarar, at tað vil fegið hava Ferðavinnufelagið endurstovnað við teirri treyt, at kommunurnar eru limir við somu skyldum og rættindum, sum samsvara við fólkatalið í kommununi.

Tvøroyri fór úr Suðuroyar ferðavinnufelagi í 2018.

Hava brúk fyri felagsskapi

Hinar kommunurnar í Suðuroynni hava avgjørt, at virksemið í Suðuroyar ferðavinnufelag skal takast uppaftur.Tí ferðavinnan í oynni hevur brúk fyri felagsskapi sum Suðuroyar ferðavinnufelag.

Og tað hevur stóran týdning, at allar kommunurnar eru við, siga tær seks kommunurnar.

Sambært lógini um burðardygga ferðavinnu, skulu allar kommunur gera ferðavinnuætlan.

Suðuroyar ferðavinnufelag ætlar at gera felags ferðavinnuætlan fyri Suðuroynna.