Ársfundur hjá Útnorðurráðnum í dag og í morgin

Í dag og morgin eru ársfundur hjá Únorðurráðnum, sum í ár hevur 40 ára hátiðarhald. Útnorðurráðið er tingmannasamstarvsnevnd hjá Íslandi, Grønlandi og Føroyum. Útnorðurráðið ger útgreiningar og tilráðingar í málum, sum hava týdning fyri londini í Útnorðri.

Føroyska sendinevndin luttekur á ársfundinum, sum er í Ilulissat í Grønlandi. Bjørt Samuelsen er forkvinna í føroysku sendinevndini. Hini í føroysku sendinevndini eru Jenis av Rana, Henrik Old, Karlot Hergeirsson, Eyðdis Hartmann Niclasen og Bárður á Lakjuni. 

Á ársfundinum er vanligt at sendinevndinar úr teimum trimum londunum hava tilmæli við. Tilmælið sum føroysak sendinevndin hevur við í ár snýr seg um betri samstarv um trygd og verju.

Hoyr samrøðu við Bjørt Samuelsen úr tíðindunum kl 18: