- Tíðindi, mentan og ítróttur
Ætlanin við risastóru pumpuskipanini í Vestmanna vaknað aftur
Ætlanin við risastóru pumpuskipanini í Vestmanna vaknað aftur
Eigararnir í SEV eru boðsendir á eykaaðalfund at taka støðu til, um 10 milliónir krónur skulu brúkast til at kanna út í æsir, hvat ein pumpuskipan fer at kosta
21.08.2025 - 18:53
Tað var í fjørsummar, at SEV valdi at steðga á við pumpuskipanini, tá tað vísti seg, at hon var blivin alt ov dýr.
Tá vísti ein gjøgnumgongd av innkomnu tilboðunum, at samlaði kostnaðurin bleiv væl omanfyri kostnaðarmetingina og heimildina, sum aðalfundurin hevði givið felagnum.
Ítøkiliga hevði SEV fingið loyvi at brúka upp til 1,3 milliardir krónur til pumpuskipanina í Vestmanna.
Haraldur Hammer.
Men niðurstøðan hjá SEV í fjørsummar var, at samlaði kostnaðurin fór at liggja um 2,2 milliardir krónur - tað vil siga, eina lítla milliard meira enn SEV ætlaði at brúka.
Men nú er boðað til eykaaðalfund í SEV, fríggjadagin í næstu viku, 29. august. Tá skulu eigararnir, tað eru kommununar, taka støðu til, um nevndin í SEV skal sleppa at brúka 10 milliónir krónur til at kanna av nýggjum, verkætlanina við pumpuskipanini.
Hoyr innslag í útvarpstíðindunum við Haraldi Hammer, nevndarformanni í SEV, sum vitjaði í útvarpsstovuni:
Haraldur_Hammer_SEV
Er kopiera
Nýggjastu sendingar í ÚV
Nýggjastu sendingar í SV
