Frítekst tagging:
- Tíðindi, mentan og ítróttur
Elias vísti seg fram - Hákun fór við steypinum
Elias vísti seg fram - Hákun fór við steypinum
Elias Ellefsen á Skipagøtu staðfesti, hvat hann stendur fyri, meðan Hákun West av Teigum fór avstað við steypinum. Füchse Berlin vann stórsteypadystin á THW Kiel
Elias Ellefsen á Skipagøtu brýtur ígjøgnum verjuna hjá Füchse Berlin í stórsteypadystinum leygardagin
Mynd: THW Kiel
24.08.2025 - 14:35
Elias Ellefsen á Skipagøtu brendi avgerandi brotskastið, sum gav Hákun West av Teigum stórsteypið, tá THW Kiel og Füchse Berlin brustu saman í Super Cup-dystinum millum týska meistaran og steypavinnaran leygardagin.
Høvuðsstaðarfelagið við føroyinginum á høgra veingi vann dystin 34-33 eftir 31-31 javnleik í München, men hóast tapið var helst kendist beiskt, var nógv at gleðast um hjá føroyska spælskiparanum undan nýggja kappingarárinum.
Elias Ellefsen á Skipagøtu hevur ikki altíð notið fult álit frá venjaranum Filip Jícha, men leygardagin gangnýtti hann møguleikan til fulnar við at skjóta sjey mál upp á sjey royndir. Harumframt legði hann upp til fleiri mál hjá sebrunum. Á sosialu miðlunum hildu fleiri viðhaldsfólk hjá Kiel, at so væl hevði liðið ikki spælt í langa tíð.
Síggj hæddarpunktini frá dystinum her.
Hjá Hákuni West av Teigum og teimum er nýggi veruleikin einfaldur. Krøvini eru risastór, og øll vilja vinna á krútsterka meistaraliðnum við Mathiasi Gidsel í miðdeplinum. Føroyski vongurin gjørdi sítt í gjár. Hann skoraðu upp á báðar skotroyndirnar.
Týska Bundesligan byrjar mikukvøldið, tá triði føroyingurin í heimsins sterkastu hondbóltsdeild, Vilhelm Poulsen, og Hannover Burgdorf taka ímóti Gummersbach. Hóskvøldið vitjar Kiel hjá Erlangen, og Füchse Berlin spælir á heimavølli ímóti Bergischer HC sunnudagin.
High five: Hákun West av Teigum og Tim Freihöfer fegnast um stórsteypið. Füchse Berlin vann 34-33 á Kiel eftir brotskøst
Er kopiera
Nýggjastu sendingar í ÚV
Nýggjastu sendingar í SV
