Fýra journalistar deyðir í ísraelskum álopi

Fýra journalistar eru dripnir í einum ísraelskum álopi á eitt sjúkrahús í Gasa. 

Hetta skriva fleiri útlendskir miðlar, teirra millum AP-tíðindastovan, sum hevur mist ein journalist, eins og ein journalistur hjá Reuters er deyður.

Talan er um tvey loftálop á sjúkrahúsið Nasser í Khan Younis, sunnarlaga í Gasa.

Fyrra álopið rakti fjórðu hædd í bygninginum, og seinna álopið var, meðan fólk royndu at hjálpa teimum, ið fingu skaða.

Sambært Hamas-stýrdu heilsumyndugleikum eru 20 fólk deyð, og fleiri hava fingið skaða.

Ísraelski herurin, IDF, sigur seg í tíðindaskrivi harmast um at hava rakt fólk, sum ikki eru partur í krígnum.